მუსიკა (ჩემთვის)

02.09.2014

39, Tbilisi, Gürcistan

მუსიკაც წიგნივითაა, სხვადასხვა სამყაროში შეიძლება გადაგიყვანოს, თუ თვალებს დახუჭავ და გამოეთიშები მთლიანად გარემოს... რაც უფრო ბევრს უსმენ და მრავალფეროვან ჟანრს ირჩევ, მით უფრო მრავალფეროვან განცდებს გიტოვებს.

ნებისმიერი ცუდი განწყობის საუკეთესო წამალია და ხშირად საოცარ და არაორდინალურ გადაწყვეტილებებსაც მოგაფიქრებინებს, სიცოცხლის ხალისს დაგიბრუნებს და ახალ იდეებს გაგიჩენს... ყველაზე თავისუფალი და ყველაზე საინტერესო ქვეყანაა ამ დედამიწაზე, სადაც უფასოდ, ვიზის და ბარგის გარეშე შეგიძლია მოგზაურობა, მთავარია მოუსმინო...

ვთვლი რომ ყველა ადამიანის დილა მელოდიების მოსმენით უნდა იწყებოდეს...

ჩართეთ, აუწიეთ ბოლო ხმაზე, ისე რომ მეზობლებსაც აიძულოთ მოსმენა, თქვენ ხომ ამით ირიბად ეხმარებით განწყობის ამაღლებაში... თავიდან შეიძლება უკურეაქცია გამოიწვიოს, მაგრამ მერე თანდათან მათაც "მოარჯულებთ". :))))

ვფიქრობ დიდები იმიტომ არიან მოწყენილები და მოსაწყენები ,რომ ასაკის მატებასთან ერთად იშვიათად უსმენენ მუსიკას....

P.S. მუსიკის ლინკი, რომელმაც ეს აზრები მომგვარა:))))

https://www.youtube.com/watch?v=2CPV0_t1sbY