არ მსურს ვიყო ობოლი

არ ვფიქრობ რომ შენი მადლი არ მერგება,
არ მჯერა რომ ამ ჭაობის ვარ მე ლუკმა,
სხვა თუ არა,ერთი მაინც გამეგება,
წინ შენ ხარ და უშენობა არის უკან.

არ მსურს,ვიდგე ობოლივით შენგან შორს და
უმზეო სულს ცოდვა ნავსად შეეხავსოს,
ხშირად გვერდით არვინ მყავდა,
არც რა მქონდა,
მაგრამ შენ რომ უარგეყავ მე არ მახსოვს.

მეოხ-მეყავ კვლავ უფალო,მეყავ შემწედ
და თუ გული დღეს ავგიას თავლა არის,
სიყვარულის მძლავრი დარტყმით შემილეწე,
გაწმიდე და სცან შენს სისხლთან ნაზიარი.

მიმიზიდე და მამყოფე შენთან ახლოს,
ამ სიშორემ კეთრი მცხო და ამაშმორა,
მსურს,ნალურსმევ შენს ტერფებთან დავესახლო,
რათა შენს ჯვარს აღარასდროს დამაშორა.

Severim!